მახაშვილი: საქართველოს ძალიან გაუმართლა, რომ ჰყავს ისეთი ადამიანი, როგორიც ბიძინა ივანიშვილია, რომელიც თავისი უანგარო პატრიოტიზმით ქვეყანას უდგას გვერდით, რომელმაც კრიტიკულ მომენტებში, საკუთარი სიცოცხლის, ოჯახის რისკის ფასად მიიღო საკმაოდ რისკიანი გადაწყვეტილებები

საქართველოს ძალიან გაუმართლა, რომ ჰყავს ბიძინა ივანიშვილის მსგავსი ადამიანი, რომელიც თავისი უანგარო პატრიოტიზმით ქვეყანას უდგას გვერდით, როგორც შეუძლია ერთ რიგით ადამიანს და რომელმაც კრიტიკულ მომენტებში, საკუთარი სიცოცხლის, ოჯახის რისკის ფასად მიიღო საკმაოდ რისკიანი გადაწყვეტილებები, იმისთვის, რომ ამ ქვეყანას შენარჩუნებოდა ნორმალური მომავალი, - განაცხადა საპარლამენტო უმრავლესობის წევრმა, ევროპასთან ინტეგრაციის კომიტეტის თავმჯდომარემ ლევან მახაშვილმა.

მისი თქმით, ქვეყნის მართვის პროცესში ბიძინა ივანიშვილის როლთან დაკავშირებით სპეკულაციები უადგილოა.

„მთელი ამ პერიოდის განმავლობაში, ბიძინა ივანიშვილი იმ გავლენას ახდენდა ინსტიტუტებზე, რაც არის შესაბამისი მისი თანამდებობისთვის კონსტიტუციურ-დემოკრატიულ წესწყობილებაში. ამიტომ, ამ თემაზე ზედმეტი მანიპულაციები აბსურდული და უადგილოა“, - აღნიშნა მან.

ქვეყანა კონსტიტუციის ფარგლებში და კონსტიტუციური წესრიგით იმართება - პრემიერ მინისტრმა სპეციალურ ბრიფინგზე ამ პროცესში ბიძინა ივანიშვილის როლზე ისაუბრა.