მარიამ ლაშხი: ეკლესიაზე მიზანმიმართული თავდასხმა ემსახურება პირველ რიგში ერის იდენტობაზე თავდასხმას

ეკლესიაზე მიზანმიმართული თავდასხმა ემსახურება პირველ რიგში ერის იდენტობაზე თავდასხმას, - განაცხადა განათლების, მეცნიერებისა და ახალგაზრდობის საკითხთა საპარლამენტო კომიტეტის თავმჯდომარემ, მარიამ ლაშხმა „ქრონიკასთან“.

მისივე თქმით, საუკუნეების განმავლობაში ქართული ეკლესია ინარჩუნებდა ერის ერთობას და სწორედ ამ ერთობის დანგრევა არის ეკლესიაზე თავდასხმის მიზეზი.

„ილია მეორის პანაშვიდებზე ერმა პასუხი გასცა ეკლესიაზე თავდასხმას იმ ერთსულოვნებითა და პატივისცემით, რაც იმ დღეებში გამოხატული იყო. შესაბამისად, საუკუნეების განმავლობაში ეკლესია ინარჩუნებდა როგორც ჩვენი ერის ერთობას, ასევე ერის იდენტობას და სწორედ ეს არის მიზეზი და მიზანი იმ მავნებლებისა, რომლებიც თავს ესხმიან არა მხოლოდ ეკლესიას და კონკრეტულ კანდიდატს, არამედ, თავს ესხმიან ერის იდენტობას“, - აღნიშნა მარიამ ლაშხმა.

„ტვ პირველმა“ ეთერი დაუთმო მეუფე ზენონს. შეურაცხყოფების გარდა იყო მძიმე ბრალდებები. შემდგომ მისი განცხადებების ტირაჟირება მოახდინეს ცალკეულმა მედიასაშუალებებმა. კამპანიაში ჩართულები არიან ოპოზიციონერი პოლიტიკოსებიც.