მარკო რუბიო: ნებისმიერი კონფლიქტი აშშ-სა და ჩინეთს შორის კატასტროფის მომტანი იქნება ორივე ქვეყნისთვის და მთელი მსოფლიოსთვის
აშშ-ის სახელმწიფო მდივნის მარკო რუბიოს განცხადებით, ეკონომიკური ან სამხედრო კონფლიქტი ჩინეთთან იქნება კატასტროფის მომტანი როგორც ორივე ქვეყნისთვის, ისე მთელი მსოფლიოსთვის.
როგორც აშშ-ის პირველმა დიპლომატმა Fox News-თან ინტერვიუში განაცხადა, ამის მიუხედავად, ამერიკას არ შეუძლია საკუთარი ეროვნული ინტერესები ჩინეთთან ურთიერთობას შესწიროს.
„აშშ-სა და ჩინეთს შორის ნებისმიერი კონფლიქტი, იქნება ეს ეკონომიკური თუ, ღმერთმა დაგვიფაროს, სამხედრო, ორივე ქვეყნისთვის და მთელი მსოფლიოსთვის კატასტროფული შედეგების მომტანი იქნება. ჩვენ ამ ვითარების მართვა გვჭირდება, თუმცა არ შეგვიძლია, საკუთარი ეროვნული ინტერესები შევწიროთ. სწორედ ეს არის საგარეო პოლიტიკის რთული სამუშაო. ორივე ქვეყნის ადმინისტრაციამ უნდა შეძლოს და დაბალნსებულად იმოქმედოს“, - განაცხადა რუბიომ.
იმედი
წყარო: imedinews.ge