მარკო რუბიოს განცხადებით, აშშ ვენესუელაში სამძებრო-სამაშველო ჯგუფებს და ჰუმანიტარულ დახმარებას აგზავნის

აშშ-ის სახელმწიფო მდივნის მარკო რუბიოს განცხადებით, პრეზიდენტ დონალდ ტრამპის დავალებით ამერიკა მიწისძვრით დაზარალებულ ვენესუელაში დახმარებას აგზავნის.

„შეერთებული შტატები ღრმა მწუხარებას გამოთქვამს ვენესუელის ხალხის მიმართ დამანგრეველი მიწისძვრების გამო. ჩვენი ფიქრები იმ ადამიანებთანაა, რომლებმაც ახლობლები დაკარგეს, დაშავებულებთან და მამაც მაშველებთან, რომლებიც სტიქიის შედეგების აღმოსაფხვრელად დაუღალავად შრომობენ. ამ მძიმე პერიოდში ამერიკა ვენესუელის ხალხის გვერდით დგას. პრეზიდენტ ტრამპის დავალებით, სახელმწიფო დეპარტამენტი დაუყოვნებლივ აგზავნის ვენესუელაში სამძებრო-სამაშველო ჯგუფებს, სამედიცინო რესურსებსა და ჰუმანიტარულ დახმარებას“, - დაწერა რუბიომ სოციალურ ქსელ X-ში.

ცნობისთვის, ვენესუელაში, კარაკასთან ახლოს ძლიერი მიწისძვრა მოხდა. მიწისქვეშა ბიძგებმა მასშტაბური ნგრევა გამოიწვია. ბოლო მონაცემებით, დაღუპულია 32 ადამიანი, თუმცა აშშ-ის გეოლოგიური სამსახური არ გამორიცხავს, რომ დაღუპულთა რიცხვმა 10 000 გადააჭარბოს.

The United States extends our deepest condolences to the people of Venezuela following the devastating earthquakes. Our hearts are with all those who have lost loved ones, those injured, and the courageous rescue workers working tirelessly in the aftermath. America stands… — Secretary Marco Rubio (@SecRubio) June 25, 2026