მართლმადიდებელი ეკლესია დავით გარეჯელის ხსენების დღეს აღნიშნავს - კათოლიკოს-პატრიარქი პარაკლისს დავითგარეჯის მამათა მონასტერში აღავლენს
იმედი|imedinews.ge
მართლმადიდებელი ეკლესია დავით გარეჯელის ხსენების დღეს აღნიშნავს. ამ დღესთან დაკავშირებით, დავითგარეჯის მამათა მონასტერში სრულიად საქართველოს კათოლიკოს-პატრიარქი - შიო მესამე პარაკლისს დღის მეორე ნახევარში აღავლენს.
მანამდე კი, სამონასტრო კომპლექსში ღვთისმსახურება დილის 10 საათიდან დაიწყება და წირვას წირვას საგარეჯოსა და ნინოწმინდის მთავარეპისკოპოსი ლუკა აღავლენს. აღსანიშნავია, რომ დავით გარეჯელი — VI საუკუნის შუა წლებში მოღვაწე ერთ-ერთი ცამეტი ასურელი მამათაგანია. გადმოცემის თანახმად დავით გარეჯელს გარეჯის მრავალმთის სანახებში დაუარსებია მონასტერი, რომლის პირველი წინამძღვარი თვითონ ყოფილა. დასაფლავებულია იქვე — დავითის ლავრის მთავარ ტაძარში.
გაზიარება:
IM
იმედი
წყარო: imedinews.ge