მაშველებმა ჩოხატაურის მუნიციპალიტეტში ტყის მასივში ჩარჩენილი ექვსი მოქალაქე უსაფრთხოდ გამოიყვანეს
იმედი|imedinews.ge
ჩოხატაურის მუნიციპალიტეტის, სოფელ სურების ტერიტორიაზე, ტყეში მყოფი ექვსი მოქალაქე ტყის მასივიდან გამოსვლას ვეღარ ახერხებდა. ინფორმაციას საგანგებო სიტუაციების მართვის სამსახური ავრცელებს.
მათივე ცნობით, ერთ-ერთ მოქალაქეს ჯანმრთელობის მდგომარეობის გაუარესების გამო დამოუკიდებლად გადაადგილება აღარ შეეძლო.
„შინაგან საქმეთა სამინისტროს საგანგებო სიტუაციების მართვის სამსახურის თანამშრომლებმა, მოქალაქეები უსაფრთხო ადგილას გადაიყვანეს. ერთი პირის გადმოყვანა სამედიცინო დახმარების მიღების მიზნით კი სასაზღვრო პოლიციის ვერტმფრენის საშუალებით განხორციელდა“, – აცხადებენ საგანგებო სიტუაციების მართვის სამსახურში.
გაზიარება:
იმედი
წყარო: imedinews.ge