მედია: ანდრეა პირლომ იტალიის ნაკრების მთავარი მწვრთნელის თანამდებობა სავარაუდოდ რუსულ კომპანიასთან თანამშრომლობის გამო ვერ მიიღო

ანდრეა პირლომ დაადასტურა, რომ იტალიის საფეხბურთო ნაკრების მთავარი მწვრთნელის პოსტზე მისი კანდიდატურა აღარ განიხილება. სავარაუდოდ, ამის მიზეზი რუსულ ფსონების კომპანიასთან (Fonbet) გაფორმებული სპონსორობის ხელშეკრულება გახდა. რამდენიმე იტალიელმა პოლიტიკოსმა შეშფოთება გამოთქვა პირლოს მიერ Fonbet-ის ელჩის როლის მორგების გამო და აღნიშნა, რომ ეროვნული ნაკრების მწვრთნელის პოზიცია არ უნდა ეწინააღმდეგებოდეს იტალიის ოფიციალურ პოზიციას რუსეთთან ომში უკრაინის მხარდაჭერის შესახებ.

ორშაბათს, Instagram-ზე გამოქვეყნებულ პოსტში პირლომ დაწერა, რომ წუხელ შეიტყო, რომ ის აღარ არის იტალიის ეროვნული ნაკრების მწვრთნელობის კანდიდატი. ყოფილმა ნახევარმცველმა მანამდე განაცხადა, რომ Fonbet-თან გარიგება დაკავშირებული იყო მის სამუშაოსთან არაბთა გაერთიანებულ საამიროებში და ატარებდა „ექსკლუზიურად კომერციულ და სპორტულ ხასიათს“. მან ასევე დასძინა: „ამ თანამშრომლობისთვის პოლიტიკური მნიშვნელობის მინიჭება ნიშნავს ჩემთვის ისეთი შეხედულებების მიწერას, რომლებიც არასდროს გამომითქვამს და ჩემი არ არის“.