მედია: ირანი მოლაპარაკებებს არ დაიწყებს, ვიდრე აშშ საკუთარ პოზიციებს არ შეცვლის

ირანი შეერთებულ შტატებთან მოლაპარაკებებში არ შევა, ვიდრე ვაშინგტონი საკუთარ ამჟამინდელ პოზიციებს არ გადახედავს. ინფორმაციას ირანული მედია ირანის მოლაპარაკებების ჯგუფთან დაახლოებულ წყაროზე დაყრდნობით ავრცელებს.

წყაროს განცხადებით, ირანის ისლამურ რესპუბლიკას ვაშინგტონთან მოლაპარაკებების დაწყება არ მოუთხოვია და აშშ-ის მხრიდან პოზიციების ცვლილებას შეაფასებს იმის მიხედვით, შესრულდება თუ არა ადრე მიღწეული შეთანხმებები.

მედიის ცნობით, თეირანის მოთხოვნებს შორის არის ლიბანთან დაკავშირებით სპეციალური სამუშაო ჯგუფის შექმნა, რომლის მიზანიც ომის დასრულება და ძალების გაყვანის უზრუნველყოფა იქნება; ასევე, ჰორმუზის სრუტეში ნაოსნობის საკითხის მოგვარება თეირანის მიერ მოთხოვნილი პირობებით და ნავთობის ექსპორტისა და მიწოდების მოცულობების ნორმალურ დონემდე აღდგენა.