მედია: უკრაინული დრონები სარატოვის ნავთობგადამამუშავებელ ქარხანასა და Ozon-ის საწყობს დაესხნენ თავს

უკრაინულმა დრონებმა 11 სექტემბრის ღამეს რუსეთის ქალაქ სარატოვზე იერიში მიიტანეს. ინფორმაციას უკრაინული მედია ავრცელებს.

ადგილობრივების ინფორმაციით, სარატოვში სამიზნეებს შორის ნავთობგადამამუშავებელი და ლოგისტიკური ინფრასტრუქტურა იყო.

ხანძარი იყო სარატოვში „როსნეფტის“ კუთვნილ ნავთობგადამამუშავებელ ქარხანაში.

როგორც უკრაინული მედია წერს, სარატოვის ნავთობგადამამუშავებელი ქარხანა უკრაინის მიერ რუსეთის ენერგეტიკულ ინფრასტრუქტურაზე განხორციელებული შორი მანძილზე დარტყმების კამპანიის ფარგლებში არაერთხელ გამხდარა თავდასხმის სამიზნე. „როსნეფტის“ შემადგენლობაში შემავალ საწარმოს წელიწადში დაახლოებით 4,8 მილიონი ტონა ნედლი ნავთობის გადამუშავება შეუძლია.

ნავთობგადამამუშავებელ ქარხანაზე დარტყმიდან მალევე სარატოვში ცეცხლი რუსეთის უმსხვილესი ელექტრონული კომერციის კომპანიის, Ozon-ის ლოგისტიკურ ჰაბსაც გაუჩნდა.

Ozon-ი რუსეთში ელექტრონული კომერციის სიდიდით მეორე პლატფორმაა Wildberries-ის შემდეგ. კომპანიას ქვეყნის მასშტაბით საწყობების, შეკვეთების დამუშავების ცენტრებისა და საკურიერო ინფრასტრუქტურის ფართო ქსელი აქვს.