მესტია - ელექტროენერგიის რეკორდული მოხმარების ეპიცენტრი და კონტროლი კრიპტომაინინგზე. „იმედის კვირის“ სპეციალური რეპორტაჟი
მესტია კრიპტომაინინგის ჩრდილიდან გამოსვლას იწყებს. დაბა ელექტროენერგიის რეკორდული მოხმარების ეპიცენტრად იქცა, რის გამოც სახელმწიფოს სამართლებრივი ნაბიჯების გადადგმა მოუხდა.
ირკვევა, რომ აპრილში მესტიამ იმდენივე ელექტროენერგია მოიხმარა, რამდენიც საქართველოს 15-მა მუნიციპალიტეტმა ერთად. მაღალმთიან რეგიონებში მცხოვრებთათვის ელექტროენერგიაზე დაწესებული შეღავათებით, კონკრეტული ადამიანების მხრიდან ბოროტად სარგებლობის გამო, მოსახლეობამდე დენი დაბალი სიმძლავრით მიდიოდა, რაც სერიოზულ პრობლემებს ქმნიდა როგორც მკაცრი კლიმატის პირობებში მცხოვრები ოჯახებისთვის, ისე სახელმწიფოსა და ელექტრომომარაგების კომპანიებისთვის.
ამ ეტაპზე იწყება გამრიცხველიანების პროცესი და მკაცრდება კონტროლი უკანონო კრიპტომაინინგის წინააღმდეგ. ჩატარებული სპეცოპერაციის შედეგად ამოღებულია შესაბამისი ტექნიკა.
რატომ გახდა მესტიაში კრიპტომაინინგთან უკომპრომისო ბრძოლის გამოცხადება გარდაუვალი, ნახეთ სანდრო გამსახურდიას სპეციალური რეპორტაჟი.
იმედი
წყარო: imedinews.ge