მიხეილ სარჯველაძე: დიუშენის კუნთოვანი დისტროფიით დაავადებული პაციენტების რაოდენობა დაახლოებით 80-ია, თუმცა ყველასთან მიმართებით მედიკამენტი „ჯივინოსტატი“ გამოყენებადი არ არის
ჯანდაცვის მინისტრმა მიხეილ სარჯველაძემ „დღის ქრონიკაში“ განაცხადა, რომ საქართველოში დიუშენის კუნთოვანი დისტროფიით დაავადებული პაციენტების რაოდენობა დაახლოებით 80-ია, მაგრამ მედიკამენტი „ჯივინოსტატი“ ყველასთან მიმართებით არ გამოიყენება.
„დიუშენის კუნთოვანი დისტროფიით დაავადებული პაციენტების რაოდენობა დაახლოებით 80-ია, თუმცა ყველასთან მიმართებით ეს მედიკამენტები გამოყენებადი არ არის. რიცხვი, რომლის ფარგლებშიც ვვარაუდობთ, რომ ეს მედიკამენტი იქნება რელევანტური, ვფიქრობთ, იქნება დაახლოებით 35, თუმცა, ჩვენ რამდენიმე სხვა მიმართულებით ვაგრძელებთ მოლაპარაკებასა და მუშაობას და უახლოეს დღეებში გადაწყვეტილება მიღებული იქნება“, - აღნიშნა მიხეილ სარჯველაძემ.
სახელმწიფო დიუშენის კუნთოვანი დისტროფიის სამკურნალო მედიკამენტ „ჯივინოსტატს“ ყიდულობს - ხელშკრულება გაფორმებულია.
იმედი
წყარო: imedinews.ge