მიხეილ სარჯველაძე: ვის ვის და „ნაციონალური მოძრაობას“ ნამდვილად არ აქვს უფლება ისაუბროს ძალადობაზე, სისტემურ დანაშაულზე და ა.შ. არავითარი მორალური უფლება არ გააჩნიათ და ეს მთელმა საზოგადოებამ, მათმა მომხრეებმაც კი გადასარევად იციან
„ვის ვის და „ნაციონალური მოძრაობას“ ნამდვილად არ აქვს უფლება ისაუბროს ძალადობაზე, სისტემურ დანაშაულზე და ა.შ. არავითარი მორალური უფლება არ გააჩნიათ და ეს მთელმა საზოგადოებამ, მათმა მომხრეებმაც კი გადასარევად იციან“, - განაცხადა ჯანდაცვის მინისტრმა.
მიხეილ სარჯველაძის განცხადებით პაპუნა ლოცულაშვილის საქმესთან დაკავშირებით სახელმწიფოს მხრიდან რეაგირება იყო მყისიერი, აკადემიური და ზუსტი. მინისტრის თქმით, ნებისმიერ დარღვევაზე რეაგირება სამართლებრივი სახელმწიფოს პრინციპების შესაბამისად ხდება, ხოლო ოპოზიციას ამ თემით სპეკულირების მორალური უფლება არ აქვს.
„რაც შეეხება ამ ინციდენტს, ამ ფაქტს დანაშაულისას, გაკეთდა არაერთი შეფასება, მათ შორის ხელისუფლების მხრიდან და ყველაფერს თავისი სახელი დაერქვა, ის რაც ვნახეთ რასაკვირველია ეს მოითხოვდა სამართლებრივ რეაგირებას, გარდა იმისა, რომ ქმედება ნამდვილად არ არის ისეთი, რომელსაც ვინმე შეიძლება იწონებდეს, მოყვა ამას სამართლებრივი რეაგირება მყისიერად, გაკეთდა მორალურიც, სამართლებრივი შეფასებები. ვფიქრობ, ყველაფერი ჩაჯდა იმ კალაპოტში, როგორც ამას მოითხოვს ნამდვილი სამართლებრივი სახელმწიფოს პრინციპი, რომ ნებისმიერი სამართალ დარღვევებზე, რომელსაც შეიძლება ადგილი ჰქონდეს ცალკეულ შემთხვევებში, ამას უნდა მოჰყვებოდეს მყისიერი, ზუსტი, კონკრეტული რეაგირება სამართლებრივი ინსტრუმენტების მეშვეობით“, -განაცხადა ჯანდაცვის მინისტრმა.
