მინესოტას სკოლებში 4-დან 10-წლამდე ბავშვებს ტრანსგენდერ თოჯინებს დაურიგებენ

მინესოტაში სკოლებში ქაღალდის ტრანსგენდერი თოჯინების დარიგება იგეგმება. მედიის ცნობით, პროექტზე მინესოტას უნივერსიტეტის სამედიცინო სკოლამ იმუშავა. მათ 4-დან 10-წლამდე ბავშვებისთვის შექმნეს თოჯინები, რათა მათ „ისწავლონ თუ ვინ შეიძლება გახდნენ“.

თითოეულ თოჯინას აქვს გენდერულად ნეიტრალური სახელი, 100-ზე მეტი დასახელების ტანსაცმელი, აქსესუარი თუ ვარცხნილობა, შიდა და გარეგანი გენიტალიები კი ეხსნება. მათი მწარმოებელი კომპანიის MyGender Dolls ვებ-გვერდზე ნათქვამია, რომ თოჯინები ხელმისაწვდომი გახდება მასწავლებლებისთვის, სკოლის კონსულტანტებისთვის, პედიატრებისა და ფსიქიკური ჯანმრთელობის სპეციალისტებისთვის. ისინი ბაზარზე პოზიციონირებენ, როგორც „თავის ტიპში პირველი თერაპიული სათამაშო მიდგომა, რომელიც შეიქმნა 4-დან 10-წლამდე ასაკის გენდერულად მრავალფეროვანი ბავშვებისთვის“. ვებ-გვერდზე ასევე არის მოწოდება - „გენდერი მხიარული გავხადოთ“.

გავრცელებული ინფორმაციით, პროექტი გუბერნატორმა ტიმ ვოლცმა დააფინანსა, რამაც კონსერვატიული ჯგუფების აღშფოთება გამოიწვია.

დოქტორმა კუენტინ ვან მეტერმა, პედიატრთა ამერიკული კოლეჯის ყოფილმა პრეზიდენტმა, განაცხადა, რომ ამ თოჯინებს „არანაირი ადგილი არ აქვთ ეთიკური სამედიცინო მომსახურების სამყაროში“.

მისი თქმით, ბავშვები, რომლებსაც დააჯერებენ, რომ სქესის შეცვლა შესაძლებელია, „დაბნეულები“ გახდებიან, ხოლო „ემოციური ტრავმა, რომელსაც იდეოლოგები მშობლების, მასწავლებლების ან კონსულტანტების სახით იწვევენ“, გენდერულ დისფორიას გამოიწვევს.