მოქალაქე ლევან სვიანიშვილი 1 700 ლარით დაჯარიმდა სოციალურ ქსელში შეურაცხყოფის ფაქტზე. 1 500 ლარის გადახდა დაეკისრა სამართალდარღვევისთვის გიორგი კვაჭანტირაძეს

1 700 ლარით დაჯარიმდა სოციალურ ქსელში შეურაცხყოფის ფაქტზე მოქალაქე ლევან სვიანიშვილი, რომელიც ამბობს, რომ არ ახსოვს დაწერილი კომენტარი. ამასთან, შინაარსში პრობლემას ვერ ხედავს. 1 500 ლარის გადახდა დაეკისრა სამართალდარღვევისთვის გიორგი კვაჭანტირაძეს.

„თბილისის საქალაქო სასამართლომ განიხილა ლევან სვიანიშვილის და გიორგი კვაჭანტირაძის მიმართ შედგენილი ადმინისტრაციული სამართალდარღვევის ოქმები - შსს-ს სიძულვილის ენის წინააღმდეგ ბრძოლის სამმართველოს მიერ შედგენილი ადმინისტრაციული სამართალდარღვევის ოქმები 166-ე მუხლის პირველი ნაწილის საფუძველზე ორივე პიროვნების მიმართ.

ორივე პიროვნება, თბილისის საქალაქო სასამართლოს დადგენილებით, ცნობილ იქნა სამართალდამრღვევად და განესაზღვრათ ჯარიმა“, - განაცხადა შსს-ს იურიდიული დეპარტამენტის სასამართლოებთან ურთიერთობის სამმართველოს მთავარმა სპეციალისტმა ნათია გიგლემიანმა.