ნანა კაკაბაძე სააკაშვილზე: დღეს უკვე ეს პიროვნება გაშიფრულია, ამიტომ არის, რომ მას, როგორც ტოქსიკურს, ისე უყურებს საზოგადოება

დღეს უკვე ეს პიროვნება [მიხეილ სააკაშვილი] გაშიფრულია, ამიტომ არის რომ მას, როგორც ტოქსიკურს, ისე უყურებს საზოგადოება, - განაცხადა გადაცემაში „იმედი Live” უფლებადამცველმა ნანა კაკაბაძემ მიხეილ სააკაშვილზე საუბრისას.

მისივე თქმით, სააკაშვილსა და ოპოზიციურ ალიანსს საზოგადოებასთან ურთიერთობაში ტყუილის გარდა არაფერი დარჩენია.

„2003 წელს მან გათვალა, რომ საზოგადოება იყო გაუთვითცნობიერებელი და იყო დახარბებული დასავლეთთან ურთიერთობას, მთლიანად ამაზე ააგო თავისი მაფია, მაგას ვერ ვუწოდებ ვერც ხელისუფლებას, როდესაც ხელისუფლებაში იყო და ვერც ოპოზიციას, როცა მისი გუნდი ოპოზიციაშია. ეს იყო მაფია, კრიმინალური მაფია, რომელიც მოვიდა ხელისუფლების დამხობის გზით და ჩაიგდო ძალაუფლება. ყველაფერი, რაც მიშას დროს კეთდებოდა, ციხეებში წამება თუ ღირსების შემლახავი მოპყობა და ასე შემდეგ, ეს მან მოარგო იმ საზოგადოებას, რომელსაც თითქოს ჰქონდა ასეთი მოპყრობის მიმართ გარკვეული პერიოდი მხარდაჭერა, მაგრამ მხოლოდ გარკვეული პერიოდი შეიძლება დიდი რაოდენობა საზოგადოებისა მოატყუო. დღეს უკვე ეს პიროვნება გაშიფრულია, ამიტომ არის, რომ მას, როგორც ტოქსიკურს, ისე უყურებს საზოგადოება.

მცირე რაოდენობის საზოგადოების გარდა, რომელზეც მას აქვს ზეგავლენა, აღარავინ დარჩა მხარდამჭერი და ცდილობს, რომ ეს მაინც შეინარჩუნოს. სხვა რა დარჩენია, უნდა იპოზიოროს ისე, როგორც პოზირებს. სხვა მას არაფერი დარჩენია, თუმცა სააკაშვილმაც იცის და კოალიციაში შემავალმა კრიმინალებმაც იციან, რომ ეს არის ტყუილი. მათ ტყუილის გარდა სხვა ბერკეტი არ დარჩენიათ საზოგადოებასთან ურთიერთობის“, - განაცხადა ნანა კაკაბაძემ.