ნატოში აშშ-ის ელჩი: გვერდში ვუდგავართ ჩვენს ნატოელ მოკავშირეს, რუმინეთს და ვგმობთ უგუნურ შეჭრას მის ტერიტორიაზე

ნატოში აშშ-ის ელჩი, მეთიუ უიტაკერი რუსული დრონის მიერ რუმინეთის საჰაერო სივრცის დარღვევას სოციალურ ქსელ X-ში გამოეხმაურა და აღნიშნა, რომ ჩრდილოატლანტიკური ალიანსი გვერდში უდგას რუმინეთს და გმობს აღნიშნულ უგუნურ ფაქტს.

„გვერდში ვუდგავართ ჩვენს ნატოელ მოკავშირეს, რუმინეთს და ვგმობთ უგუნურ შეჭრას მის ტერიტორიაზე. ჩვენი ფიქრები გალაცში დაშავებულებთანაა. ნატოს ტერიტორიის თითოეულ ინჩს დავიცავთ“, - დაწერა უიტაკერმა.

ცნობისთვის, გვიან ღამით რუსული დრონი რუმინეთის ქალაქ გალაცში 10-სართულიან საცხოვრებელ სახლს შეეჯახა. ინციდენტის შედეგად ორი ადამიანი დაშავდა. ისინი საავადმყოფოში გადაიყვანეს.

We stand with our NATO Ally Romania and condemn this reckless incursion on its territory. Our thoughts are with the injured in Galati. We will defend every inch of NATO territory. — U.S. Ambassador to NATO (@USAmbNATO) May 29, 2026