NBC News: ტრამპმა „თავისუფლების პროექტი“ მას შემდეგ შეაჩერა, რაც საუდის არაბეთმა შეერთებულ შტატებს სამხედრო ბაზებსა და საჰაერო სივრცეზე წვდომა შეუზღუდა

აშშ-ის პრეზიდენტმა, დონალდ ტრამპმა „თავისუფლების პროექტი“ მას შემდეგ შეაჩერა, რაც საუდის არაბეთმა შეერთებულ შტატებს სამხედრო ბაზებსა და საჰაერო სივრცეზე წვდომა შეუზღუდა. ინფორმაციას NBC News-ი ავრცელებს.

გავრცელებული ინფორმაციით, ჰორმუზის სრუტეში ოპერაციის დაწყების შესახებ ინფორმაცია მოკავშირეებისთვის მოულოდნელი აღმოჩნდა, რამაც საუდის არაბეთის ხელმძღვანელობა გააბრაზა.

NBC News-ის ცნობით, ოფიციალურმა ერ-რიადმა ვაშინგტონს აცნობა, რომ ამერიკულ სამხედრო თვითმფრინავებს პრინც სულთნის ბაზიდან აფრენისა და ქვეყნის საჰაერო სივრცის გადაკვეთის უფლებას არ მისცემდა.

ამის შემდეგ ტრამპმა განაცხადა, რომ ოპერაცია „მოკლე ვადით“ შეჩერდა „იმის სანახავად, შეიძლება თუ არა ირანთან შეთანხმების მიღწევა“.

ცნობისათვის, თეთრი სახლის ლიდერმა იმ გემების გამოსაყვანად, რომლებიც ჰორმუზის სრუტეში არიან ჩარჩენილები, ოპერაცია „თავისუფლების პროექტის“ დაწყების შესახებ 3 მაისს გამოაცხადა.