ნიკა გვარამია აფხაზებზე: ურთიერთსიყვარული ერებს შორის არ არსებობს, იმათაც ვძულვართ, ჩვენც გვძულს, მტრობაა ჩვენს შორის

იმათაც ვძულვართ, ჩვენც გვძულს, მტრობაა ჩვენს შორის, - განუცხადა „ქრონიკას“ ნიკა გვარამიამ აფხაზების შესახებ.

კოალიცია „ცვლილებისთვის“ ერთ-ერთი ლიდერი ამბობს, რომ ერებს შორის სიყვარული არ არსებობს.

„მე მინდა, მკაფიოდ ვთქვა, რომ თუ „ქართული ოცნება“ გვაკარგვინეს ევროპერსპექტივას, ეს მყისიერად იმასაც ნიშნავს, რომ გვაკარგვინებს ტერიტორიული მთლიანობის მშვიდობიანი აღდგენის პერსპექტივას. სადღეგრძელოებით სახელმწიფო საქმეები არ კეთდება. ჩვენ ხომ ვიცით, რომ ურთიერთსიყვარული ერებს შორის არ არსებობს, იმათაც ვძულვართ, ჩვენც გვძულს, მტრობაა ჩვენს შორის", - განაცხადა გვარამიამ.

კოალიცია „ცვლილებისთვის“ ერთ-ერთმა ლიდერმა, ნიკა გვარამიამ, იუთუბ გადაცემაში სტუმრობისას ქართველებსა და აფხაზებს შორის არსებულ ურთიერთობებსა და კონფლიქტის მოგვარების გზებზე ისაუბრა. მისი განცხადებით, აფხაზებსა და ქართველებს ერთმანეთის მიმართ სიყვარული არ გააჩნიათ და წარსული მოვლენების გამო მხარეებს შორის ურთიერთზიზღი და მტრობა ბუნებრივად არის განპირობებული.