ნიკა გვარამია: მათ არ უყვართ ქართველები და გულწრფელები ვიყოთ, არც ჩვენ არ გვიყვარს აფხაზები. ჩვენ ამ წუთში ვართ მტრები, მტრობა სიყვარულით ვერ შეიცვლება

ნიკა გვარამია ანტიაფხაზურ პროპაგანდას განაგრძობს. ჯერ აფხაზეთის დავიწყებაზე ლაპარაკობდა, ამჯერად კი ქართველები და აფხაზები ერთმანეთის მტრებად გამოაცხადა.

„მათ არ უყვართ ქართველები და გულწრფელები ვიყოთ, არც ჩვენ არ გვიყვარს აფხაზები. არ მოვიტყუოთ თავი და ერთმანეთსაც ნუ ვატყუებთ, რომ ძმები ა.შ. არ ვფიქრობთ ჩვენ ასე და არც არის ეს ასე. ჩვენ ამ წუთში ვართ მტრები. მტრობა სიყვარულით ვერ შეიცვლება. აფხაზები, პრაქტიკულად მთელი ერი იბრძოდა და ამიტომ გვაქვს ჩვენ ეს ურთიერთშუღლი ბუნებრივად განპირობებული, მაგრამ მგონია, რომ ევროკავშირი ძალიან ამბიციურად ჩაერთვება ამ ყველაფერში და საქართველოს გაწევრიანებაც გამარტივდება ამ გზით და კონფლიქტის მოგვარებაც გამარტივდება გაწევრიანებით“, - განაცხადა გვარამიამ.