ნიკოლ ფაშინიანი: ბრიუსელს სომხეთზე ზემოქმედების ბერკეტი არ აქვს, რათა ერევანს მოსკოვთან ურთიერთობების გაწყვეტა აიძულოს
იმედი|imedinews.ge
სომხეთის პრემიერ-მინისტრის ნიკოლ ფაშინიანის განცხადებით, ბრიუსელს არ აქვს ბერკეტები, რათა ერევანს აიძულოს მოსკოვთან ურთიერთობები გაწყვიტოს.
აღნიშნული გაცხადება სომხეთის მთავრობის თავმჯდომარემ ყირგიზეთში ევრაზიული ეკონომიკური კავშირის წევრი ქვეყნების მეთაურების სამიტის ფარგლებში გააკეთა.
რუსმა ჟურნალისტებმა ფაშინიანს ჰკითხეს, რას მოიმოქმედებს ის, თუ ევროკავშირი მას რუსეთთან კავშირების გაწყვეტას აიძულებს.
„თუ ვინმეს რაიმე ბერკეტი აქვს, რათა სომხეთს რაიმე აიძულოს, ეს ბერკეტი ნამდვილად არ არის არც ბრიუსელში, არც დასავლეთში, არც სამხრეთში, არც აღმოსავლეთში“, - განაცხადა ფაშინიანმა.
გაზიარება:
იმედი
წყარო: imedinews.ge