ნიკოლოზ სამხარაძე ჩინეთში ვიზიტზე: გვქონდა რამდენიმე ერთობლივ პროექტზე საუბარი. ეს პროექტები თუ გამოვა, მაშინ საქართველოს მოსახლეობას ძალიან დიდი სიურპრიზი შეგვიძლია შევთავაზოთ

გვქონდა რამდენიმე ერთობლივ პროექტზე საუბარი. ეს პროექტები თუ გამოვა, მაშინ საქართველოს მოსახლეობას ძალიან დიდი სიურპრიზი შეგვიძლია შევთავაზოთ, - განაცხადა პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ ჩინეთის შაანსის პროვინციაში გამართული შეხვედრების შემდეგ.

მისი თქმით, ქართული დელეგაციის ინტერესს სოფლის მეურნეობის მაღალი ტექნოლოგიების სასწავლო ცენტრი წარმოადგენს, რომელიც თავად ჩინეთშიც უნიკალურია.

„ჩვენთვის განსაკუთრებით საინტერესოა სოფლის მეურნეობის მაღალი ტექნოლოგიების სასწავლო ცენტრი, რომელიც არის უნიკალური თვითონ ჩინეთშიც. ამ მიმართულებით ჩვენ ძალიან საინტერესო პროექტების დაგეგმვა შეგვიძლია. ჩვენ გვქონდა, რამდენიმე ერთობლივ პროექტზე საუბარი. ეს პროექტები თუ გამოვა, მაშინ საქართველოს მოსახლეობას ძალიან დიდი სიურპრიზი შეგვიძლია, რომ შევთავაზოთ“, - განაცხადა ნიკოლოზ სამხარაძემ.

ცნობისთვის, ჩინეთში ვიზიტის დასასრულს, საქართველოს პარლამენტის თავმჯდომარე შალვა პაპუაშვილი ჩინეთის შაანსის პროვინციის კომიტეტის მდივანს, ამავე პროვინციის პარლამენტის - შაანსის სახალხო კონგრესის მუდმივმოქმედი კომიტეტის თავმჯდომარეს, ჭაო იდეს შეხვდა.

მხარეებმა დადებითად შეაფასეს საქართველოსა და ჩინეთს შორის ურთიერთობები, რომლებიც სტრატეგიულ პარტნიორობაში გადაიზარდა. ხაზი გაესვა იმ ფაქტს, რომ ორმხრივი თანამშრომლობა მრავალი მიმართულებით ღრმავდება.