ნიკოლოზ სამხარაძე იაპონიის ელჩს შეხვდა
იმედი|imedinews.ge
საქართველოს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე საქართველოში იაპონიის საგანგებო და სრულუფლებიან ელჩს იშიძუკა ჰიდეკის შეხვდა.
შეხვედრაზე საქართველოსა და იაპონიას შორის ურთიერთობები და ორმხრივი თანამშრომლობის დღის წესრიგში არსებული საკითხები განიხილეს.
განსაკუთრებული ყურადღება გამახვილდა საპარლამენტო თანამშრომლობის გაძლიერებასა და საპარლამენტო ვიზიტების გაცვლის მნიშვნელობაზე.
შეხვედრაზე აღინიშნა, რომ 2027 წელს საქართველოსა და იაპონიას შორის დიპლომატიური ურთიერთობების დამყარებიდან 35 წელი სრულდება. მხარეებმა იმსჯელეს ამ თარიღის აღსანიშნავად სხვადასხვა კულტურული ღონისძიების ჩატარების შესაძლებლობებზე.
საუბრის ერთ-ერთ თემას რეგიონული და გლობალური უსაფრთხოების საკითხები წარმოადგენდა.
გაზიარება:
იმედი
წყარო: imedinews.ge