ნინო წილოსანი: გორში მომხდარ ფაქტთან დაკავშირებით სახელმწიფოს პასუხი არის მყისიერი და ეს არის ჩვენი დამოკიდებულება, რომ მსგავსი ფაქტები მიუღებელია

გორში მომხდარ ფაქტთან დაკავშირებით სახელმწიფოს პასუხი არის მყისიერი და ეს არის ჩვენი დამოკიდებულება, რომ მსგავსი ფაქტები მიუღებელია, - განაცხადა პარლამენტის თავმჯდომარის მოადგილე ნინო წილოსანმა.

მისივე თქმით, „ნაციონალური მოძრაობის“ რეჟიმთან ცდილობენ პარალელის გავლებას, თუმცა ეს შეუძლებელია.

„ამისგან განსხვავებული იყო „ნაციონალური მოძრაობის“ რეჟიმი და მათი სურვილი არის, რომ რაღაცით გაავლონ პარალელები, თუმცა ეს პარალელი არ ივლება. მათი ხელისუფლებაში ყოფნის დროს 150-მდე პირი ჰყავთ მოკლული და დაშავებული - კიდევ უფრო მეტი“, - აღნიშნა ნინო წილოსანმა.

საქართველოს პროკურატურამ სამსახურებრივი უფლებამოსილების ძალადობით გადამეტების ფაქტზე 6 პოლიციელი დააკავა.