ნინო წილოსანი რასა იუკნევიჩიანეზე: ამ პოლიტიკოსის მხოლოდ და მხოლოდ საქართველოს საწინააღმდეგო რეზოლუციების ინიცირებას უკავშირდება

პარლამენტის ვიცე-სპიკერი ნინო წილოსანი „ქრონიკასთან“ რასა იუკნევიჩიეანეს ანგარიშში მოყვანილ ფაქტებს აფასებს. ნინო წილოსანი აღნიშნავს, რომ ლიეტუველი პოლიტიკოსის საქმიანობა მხოლოდ საქართველოს საწინააღმდეგო რეზოლუციების ინიცირებას უკავშირდება.

„რასა იუკნევიჩიანე არის ლიეტუველი პოლიტიკოსი, რომლის საქმიანობა უკავშირდება მხოლოდ და მხოლოდ საქართველოს საწინააღმდეგო რეზოლუციების ინიცირებას და ისეთი აგრესიული აქტივისტების დაცვას, როგორიც არის ლაკა ხოშტარია და ა.შ. მაგრამ, არ დავივიწყოთ, რომ ეს რეზოლუციები ყველაფერი მიემართება იმას, რომ საქართველო გახდეს ომის დღის წესრიგი, რასაც თავად ქალბატონი რასაც ადასტურებს.

იმ მთავარი მიზნის მისაღწევად, რაც არის საქართველოში ეროვნული ხელისუფლების გადაგდება და ამ ქვეყანაში არეულობისა და ომში ჩართულობის უზრუნველყოფა, აუცილებელია სრულად გათიშონ საინფორმაციო სივრცე, ამიტომ აღნიშნულ რეზოლუციაში სიტყვის თავისუფლებაზეც არის სერიოზული შეტევა და თავდასხმა იმ ფორმით, რომ „იმედი“, „პოსტივის“ და „რუსთავი 2“-ის დასანქცირებას ითხოვს ქალბატონი რასა“, - აღნიშნა ნინო წილოსანმა.

ევროპარლამენტი საქართველოს შესახებ რასა იუკნევიჩიანეს მიერ წარდგენილ ანგარიშს კენჭს დღეს უყრის. იუკნევიჩიანეს პროექტზე დაყრდნობით, რამდენიმე ევროპარლამენტარი მედიასაშუალებების - „იმედის“, „რუსთავი2“-ისა და „პოსტივის“ სანქცირებას ითხოვს.