ნინო წილოსანი რასა იუკნევიჩიენეზე: ამ პოლიტიკოსის საქმიანობა უკავშირდება მხოლოდ და მხოლოდ საქართველოს საწინააღმდეგო რეზოლუციების ინიცირებას და ისეთი აგრესიული აქტივისტების დაცვას, როგორიც არის ლაკა ხოშტარია

პარლამენტის ვიცე-სპიკერი ნინო წილოსანი რასა იუკნევიჩიენეს ანგარიშში მოყვანილ ფაქტებს „ქრონიკასთან“ გამოეხმაურა. ნინო წილოსანი აღნიშნავს, რომ ლიეტუველი პოლიტიკოსის საქმიანობა საქართველოს საწინააღმდეგო რეზოლუციების ინიცირებას უკავშირდება.

„რასა იუკნევიჩიენე არის ლიეტუველი პოლიტიკოსი, რომლის საქმიანობა უკავშირდება მხოლოდ და მხოლოდ საქართველოს საწინააღმდეგო რეზოლუციების ინიცირებას და ისეთი აგრესიული აქტივისტების დაცვას, როგორიც არის ლაკა ხოშტარია და ა.შ. მაგრამ არ დავივიწყოთ, რომ ეს რეზოლუციები მიემართება იმისკენ, რომ საქართველო გახდეს ომის დღის წესრიგი, რასაც თავად ქალბატონი რასაც ადასტურებს.

იმ მთავარი მიზნის მისაღწევად, რაც არის საქართველოში ეროვნული ხელისუფლების გადაგდება და ამ ქვეყანაში არეულობისა და ომში ჩართულობის უზრუნველყოფა, აუცილებელია სრულად გათიშონ საინფორმაციო სივრცე, ამიტომ აღნიშნულ რეზოლუციაში სიტყვის თავისუფლებაზეც არის სერიოზული შეტევა და თავდასხმა იმ ფორმით, რომ „იმედის“, „პოსტივისა“ და „რუსთავი 2“-ის დასანქცირებას ითხოვს ქალბატონი რასა“, - აღნიშნა ნინო წილოსანმა.

ევროპარლამენტი საქართველოს შესახებ რასა იუკნევიჩიენეს მიერ წარდგენილ ანგარიშს კენჭს დღეს უყრის. იუკნევიჩიანეს პროექტზე დაყრდნობით, რამდენიმე ევროპარლამენტარი მედიასაშუალებების - „იმედის“, „რუსთავი2“-ისა და „პოსტივის“ სანქცირებას ითხოვს.