„ორმაგი სტანდარტი“ ენერგოსექტორში - მმართველი გუნდი ოპოზიციას სააკაშვილის მმართველობისას მიღებულ გადაწყვეტილებებს ახსენებს. „ქრონიკის“ სიუჟეტი

ევროკავშირის მიერ დაწესებული სანქციების ახალი პაკეტის მიუხედავად, თბილისის ელექტრომომარაგებელი კომპანია „თელასი“ ეროვნული ვალუტით საბანკო მომსახურების მიღებას განაგრძობს.

საქართველოს ეროვნულ ბანკში განმარტავენ, რომ „თელასის“ არაპირდაპირი მფლობელი კომპანია „ინტერრაო“ სანქცირებულთა სიაშია, თუმცა თავად „თელასი“ კრიტიკული ინფრასტრუქტურის ობიექტია და მისი უწყვეტი მუშაობა მოსახლეობისთვის სასიცოცხლოდ მნიშვნელოვანია.

პარალელურად, თემას თბილისში პოლიტიკური შეფასებები მოჰყვა. ოპოზიციის ნაწილი სტრატეგიული ენერგოობიექტების შეფერხების საფრთხეზე აკეთებს აქცენტს.

მმართველ გუნდში კი ოპოზიციის კრიტიკას „ორმაგ სტანდარტს“ უწოდებენ და საზოგადოებას ახსენებენ, რომ ენერგოობიექტები რუსულ კომპანიას სწორედ „ნაციონალური მოძრაობის“ მმართველობის დროს გადაეცა.

ვრცლად ანუკი ჩხიკვაძის რეპორტაჟში.