პარიზში თანამედროვე ქართველი მხატვრის ია ტიგინაშვილის პერსონალური გამოფენა გაიხსნა

პარიზში თანამედროვე ქართველი მხატვრის ია ტიგინაშვილის პერსონალური გამოფენა გაიხსნა. IA - 13 ასე ჰქვია გამოფენას, რომელზეც მხატვრის 13 ნამუშევარია წარმოდგენილი. გამოფენას პარიზის მე 6 რაიონის მერია მასპინძლობს.

,,თბილისში დაბადებული და სენ-ჟერმენ-დე-პღეზე დამკვიდრებული თანამდედროვე ქართველი მხატვარი დამთვალიერებელს ერთდროულად ვიზუალურ და ემოციურ გამოცდილებას სთავაზობს. " - ასე გამოეხმაურა პარიზი ია ტიგინაშვილის პერსონალურ გამოფენას.

,, არტისტი საკუთარ შემოქმედებას ერთდროულად კვებავს ქართული ფესვებითა და თანამედროვე გამოცდილებით. მისი კაშკაშა , სიცოცხლით სავსე, ექსპრესიული ტილოები სავსე ენერგიითა და ემოციური გამომსახველობით, დამთვალიერებელს იწვევს მოგზაურობაში, სადაც მეხსიერება, ემოცია და შემოქმედება ერთიან მხატვრულ სივრცედ გარდაიქმნება. 13 ტილოსგან შემდგარი სერიის მეშვეობით, მხატვარი გვთავაზობს პოეტურ და სიღრმისეულ ხედვას იდენტობის ცნების შესახებ.

აბსტრაქტული ექსპრესიონიზმის ტრადიციით შთაგონებულ ნამუშევრებში მოძრაობა, ფერი და შინაგანი ენერგია ერთიანდება და ამ დიალოგში წარმოაჩენენ იმ მრავალფეროვან გარდასახვებს, რომლებიც ადამიანის არსს და ხელოვნებას მთელი ცხოვრების განმავლობაში აყალიბებს. ამ სერიაში ფორმა არასოდეს არის სტატიკური — ის მუდმივად იქმნება, იშლება და თავიდან იბადება.

დინამიკური კომპოზიციები და ფერთა ინტენსიური ურთიერთქმედება გამოხატავს მუდმივ ძიებას — ყოფნის, ენერგიისა და ემოციური სიღრმის. თითოეული ნამუშევარი მაყურებელს სთავაზობს გამოცდილებას, რომელიც ერთდროულად ვიზუალურად შთამბეჭდავი და ღრმად ემოციურია ია-13-ის ვიზუალური ინტენსივობითა და დახვეწილი ფერადოვნებით გაჯერებულ სივრცე დამთვალიერებელს ემოციურ მოგზაურობაში 9 ივლისამდე იწვევს“, - წერია ფრანგულენოვან რეცენზიაში.