პარლამენტის წევრები „ფერმერის დღე 2026-ს“ დაესწრნენ
საქართველოს პარლამენტის წევრები „ფერმერის დღე 2026-ს“ დაესწრნენ. ღონისძიება, რომელიც თბილისის ეთნოგრაფიულ მუზეუმში გაიმართა, საქართველოს პრემიერ-მინისტრმა ირაკლი კობახიძემ და გარემოს დაცვისა და სოფლის მეურნეობის მინისტრმა დავით სონღულაშვილმა გახსნეს.
„ფერმერის დღე 2026-ის“ ფარგლებში, ღონისძიების მონაწილეებს შესაძლებლობა ჰქონდათ გასცნობოდნენ ქართული აგროსექტორის მრავალფეროვან პროდუქციას, ასევე, სამინისტროს უწყებების წარმომადგენლებისგან მიეღოთ ინფორმაცია ფერმერებისა და აგრობიზნესისთვის ხელმისაწვდომი აგროსერვისებისა და მხარდაჭერის მექანიზმების შესახებ.
ღონისძიების ფარგლებში სპეციალური ჯილდოები გადაეცათ იმ ფერმერებსა და აგრობიზნესის წარმომადგენლებს, რომლებმაც მნიშვნელოვანი წვლილი შეიტანეს სოფლის მეურნეობის სექტორის განვითარებაში.
„ფერმერის დღე 2026“ გარემოს დაცვისა და სოფლის მეურნეობის სამინისტროს ინიციატივითა და სოფლის განვითარების სააგენტოს ორგანიზებით გაიმართა.
ღონისძიების მიზანს წარმოადგენდა ფერმერებისა და აგრობიზნესის წარმომადგენლების საქმიანობის წარმოჩენა და სოფლის მეურნეობის სექტორის განვითარების ხელშეწყობა.
იმედი
წყარო: imedinews.ge