პარლამენტმა დიპლომატიური აკადემიის შესახებ კანონში ცვლილებების განხილვა დაიწყო
პარლამენტმა დიპლომატიური აკადემიის შესახებ კანონში ცვლილებების განხილვა დაიწყო. კანონპროექტის თანახმად, შეიქმნება დიპლომატიის აკადემია, რომელიც უზრუნველყოფს პროფესიონალი დიპლომატების აღზრდას.
მთავრობის მიერ მომზადებულ კანონპროექტს დეპუტატებს კომიტეტის სხდომაზე საგარეო საქმეთა მინისტრის მოადგილე, ხათუნა თოთლაძე აცნობს.
როგორც მომხსენებელმა განმარტა, დიპლომატიის აკადემიის შექმნის მიზანი მაღალ პროფესიონალი დიპლომატებისა და მაღალკვალიფიციური კადრების მომზადებაა.
„გასული წლიდან მოყოლებული საქართველოს საგარეო საქმეთა სამინისტრომ დაიწყო მუშაობა უწყების რეფორმაზე, რომლის ეტაპობრივი განხორციელება ქვეყანას აძლევს შესაძლებლობას მთავრობის პრიორიტეტების სათანადოდ განსახორციელებლად ჰქონდეს რაც შეიძლება ოპტიმალური ცენტრალური აპარატი. მიზანია, შესაძლებლობა მისცეს პროფესიონალ დიპლომატებს უკეთ მოახმაროს საკუთარი გამოცდილება სახელმწიფოს ინტერესების დაცვას, ხოლო ახალგაზრდა თაობას გაუჩინოს უკეთესი შესაძლებლობები ჯანსაღი კონკურენციის საფუძველზე დაიმკვიდრონ თავი დიპლომატიურ სამსახურში და მიეცეთ კარიერული ზრდის ობიექტური შესაძლებლობა“, - აღნიშნა ხათუნა თოთლაძემ.
იმედი
წყარო: imedinews.ge