პასკალ ლოტასი: საქართველოს სჭირდება ფოკუსირება იმაზე, თუ რა არის კარგი საქართველოსთვის. სხვები იტყვიან, რომ ეს ეგოისტურია, მაგრამ ახლა დრო არის გონივრული სუვერენიტეტის, რომ მოხდეს დეესკალაცია და თქვენი ქვეყანა უსაფრთხოდ იყოს

ძალიან მნიშვნელოვანია ვიფიქროთ სუვერენიტეტზე და არ მოვხვდეთ მახეში - რომ საგარეო პოლიტიკა უნდა შეესაბამებოდეს ერთი ან მეორე მხარის მოთხოვნებს, - განაცხადა გადაცემაში „იმედი LIVE“ კიოტოს უნივერსიტეტის პროფესორმა პასკალ ლოტასმა. მან უპასუხა კითხვას - როგორ უნდა იმოქმედოს საქართველომ, რომ გარე ჩარევებისგან თავი დაიცვას?

„სამწუხაროდ, ეს არის ბუნებრივი პროგრესია ნებისმიერი კონფლიქტის, რომ მესამე მხარეს ეუბნებიან, ჩემ მხარეს დადექიო. სუვერენიტეტის აქტი ისაა, რომ მე ჩემს პოზიციებს დავიცავ და გავაკეთებ იმას, რაც კარგია ჩემთვის. მთავარი საკუთარი თავის დაცვაა, არ არსებობს არც მორალური ვალდებულება, არც საერთაშორისო სამართლით, რომ რომელიმე მხარის გვერდზე დადგე და გმირულად ბრძოლაში დაიღუპო. შევხედოთ რა ხდება უკრაინაში, ნატოსთან, რუსეთთან დაკავშირებით. საქართველოს სჭირდება ფოკუსირება იმაზე, თუ რა არის კარგი საქართველოსთვის. სხვები იტყვიან, რომ ეს ეგოისტურია, მაგრამ ახლა დრო არის გონივრული სუვერენიტეტის, რომ მოხდეს დეესკალაცია და თქვენი ქვეყანა უსაფრთხოდ იყოს“, - განაცხადა პასკალ ლოტასმა.