პოლონეთის პრემიერმა ქვეყნის ტერიტორიაზე ამოუცნობი ობიექტის ჩამოვარდნის გამო საკოორდინაციო ჯგუფი შექმნა

პოლონეთის პრემიერ-მინისტრმა დონალდ ტუსკმა სოციალურ ქსელ X-ში დაწერა, რომ ქვეყნის ტერიტორიაზე ამოუცნობი ობიექტის ჩამოვარდნის გამო საკოორდინაციო ჯგუფი შექმნა.

„რუსეთის მიერ დასავლეთ უკრაინაზე განხორციელებული მასშტაბური სარაკეტო თავდასხმის დროს პოლონეთის საჰაერო სივრცე დაირღვა. ამასთან დაკავშირებით მოვიწვიე საკოორდინაციო ჯგუფი, რომელშიც თავდაცვის მინისტრი და შესაბამისი უწყებების წარმომადგენლები მონაწილეობენ. ისინი უკვე მრავალი საათის განმავლობაში მუშაობენ ადგილზე და სისტემატურად მაწვდიან ინფორმაციას ინციდენტის ყველა გარემოების შესახებ“, - დაწერა ტუსკმა.

ცნობისთვის, გვიან ღამით, როცა რუსეთი უკრაინაზე მასშტაბურ სარაკეტო იერიშს ახორციელებდა, პოლონეთის ჰაერსაწინააღმდეგო თავდაცვის რადიოლოკაციურმა სისტემამ ქვეყნის საჰაერო სივრცეში ამოუცნობი ობიექტი აღმოაჩინა, რომელიც მოგვიანებით რადარებიდან გაქრა. ცოტა ხნის შემდეგ გავრცელდა ინფორმაცია, რომ ობიექტი პოლონეთის ლიუბლინის რეგიონში ჩამოვარდა.

W trakcie rosyjskiego zmasowanego ataku rakietowego na zachodnią Ukrainę doszło do naruszenia polskiej przestrzeni powietrznej. Zwołałem w związku z tym zespół koordynacyjny z udziałem Ministra Obrony i odpowiednich służb, które od wielu godzin pracują na miejscu zdarzenia i… — Donald Tusk (@donaldtusk) July 30, 2026