პოლონეთში ახალგაზრდა უკრაინელ წყვილს თავს დაესხნენ
იმედი|imedinews.ge
პოლონეთის ქალაქ ვროცლავში ახალგაზრდა უკრაინელ წყვილს სამი კაცი ფიზიკურად გაუსწორდა. პოლონური მედიის ცნობით თავდასხმის მიზეზი სავარაუდოდ უკრაინული აქცენტი გახდა.
ახალგაზრდა წყვილი საცხოვრებელ სახლთან ახლოს მაღაზიაში იმყოფებოდა, სადაც პოლონელებთან სიტყვიერი შელაპარაკებაც მოუვიდათ. მაღაზიიდან გამოსულებს კი პოლონელები დაედევნნენ. ისინი ჯერ კაცს დაესხნენ თავს და სცემეს. ფიზიკური დაზიანებები სახისა და თავის არეში მიიღო ახალგაზრდა უკრაინელმა ქალმაც. ის მეგობრის დახმარებას შეეცადა.
ფაქტს ვროცლავის პოლიცია იძიებს.
გაზიარება:
იმედი
წყარო: imedinews.ge