ფონ დერ ლაიენი: რუსეთზე ზეწოლა კიდევ უფრო უნდა გაიზარდოს. ამისთვის ყოველთვის ახალი სანქციების დაწესება არ არის საჭირო

ევროკომისიის პრეზიდენტის ურსულა ფონ დერ ლაიენის განცხადებით, რუსეთზე ზეწოლა კიდევ უფრო უნდა გაიზარდოს.

როგორც ფონ დერ ლაიენმა ევროპარლამენტში სიტყვით გამოსვლისას აღნიშნა, ზეწოლისთვის ყოველთვის ახალი სანქციების დაწესება აუცილებელი არ არის.

„რუსეთზე ზეწოლა კიდევ უფრო უნდა გაიზარდოს. ამისთვის ყოველთვის ახალი სანქციების დაწესება არ არის საჭირო. უპირველესად, მოქმედი სანქციების აღსრულებაა აუცილებელი“, - განაცხადა ევროკომისიის პრეზიდენტმა.

მისი განცხადებით, ევროკავშირის სანქციები მტკივნეულია და რუსეთის ეკონომიკაზე უზარმაზარ ზეწოლას ახდენს.

„ჩვენი სანქციები მტკივნეულია. ისინი რუსეთის ეკონომიკაზე უზარმაზარ ზეწოლას ახდენს. რუსეთი ყველაფერს აკეთებს მათთვის გვერდის ასავლელად. ამიტომ ყველა არსებული ხვრელი უნდა დავხუროთ“, - აღნიშნა ფონ დერ ლაიენმა.