ფრიდრიხ მერცი კიევში ჩავიდა
გერმანიის კანცლერი ფრიდრიხ მერცი ოფიციალური ვიზიტით უკრაინაში ჩავიდა. არსებული ინფორმაციით, გერმანიის მთავრობის ხელმძღვანელის ვიზიტის მთავარი მიზანია, დაარწმუნოს კიევი, რომ ბერლინი განაგრძობს უკრაინის მტკიცე მხარდაჭერას რუსული აგრესიის წინააღმდეგ ბრძოლაში.
სააგენტო dpa გერმანიის მთავრობაში არსებულ წყაროებზე დაყრდნობით წერს, რომ კანცლერი უკრაინას სამხედრო და ფინანსური მხარდაჭერის ახალ, მასშტაბურ პაკეტს დაჰპირდება.
„თუ რუსეთს არ შევაჩერებთ, მისი სამხედრო მანქანა ადრე თუ გვიან ჩვენს წინააღმდეგ მოემართება“, - განაცხადა მერცმა უკრაინის დედაქალაქში მატარებლით ჩასვლისთანავე.
გერმანიის კანცლერთან ერთად კიევში ჩავიდნენ ეკონომიკის მინისტრი ეკატერინა რაიხე და თავდაცვისა და ენერგეტიკული სექტორის 10 წამყვანი კომპანიის ხელმძღვანელი, რაც ორ ქვეყანას შორის სამხედრო-ინდუსტრიული და ენერგეტიკული თანამშრომლობის გაღრმავებაზე მიუთითებს.
იმედი
წყარო: imedinews.ge