პროექტის „მოუსმინე შენი ქალაქის ემიგრანტს“ ფარგლებში, რუსთავის მუნიციპალიტეტის მერს ნინო ლაცაბიძესა და ათენში მცხოვრებ ქართველ ემიგრანტებს შორის ონლაინ შეხვედრა გაიმართა
ათენის დიასპორის საზოგადოებრივი ცენტრის ხელმძღვანელის, ნანა თევდორაძის პროექტის „მოუსმინე შენი ქალაქის ემიგრანტს“ ფარგლებში, რუსთავის მუნიციპალიტეტის მერს ნინო ლაცაბიძესა და ათენში მცხოვრებ ქართველ ემიგრანტებს შორის ონლაინ შეხვედრა გაიმართა, - ინფორმაციას ათენის დიასპორის საზოგადოებრივი ცენტრი ავრცელებს.
ორგანიზაციის ცნობით, ემიგრანტებმა რუსთავის მერთან კითხვა-პასუხის რეჟიმში ისაუბრეს რუსთავში განხორციელებულ, მიმდინარე და დაგეგმილი პროექტების შესახებ.
„ემიგრანტების მხრიდან ყურადღება გამახვილდა მუნიციპალიტეტის მერის აქტიურ საქმიანობაზე. გამოითქვა სურვილი რუსთავის და ერთ-ერთი ბერძნული ქალაქის დამეგობრების და ამ ფორმატში საბერძნეთის დედაქალაქში რუსთავის დღის აღნიშვნის და ზოგადად რეგიონის კულტურული და ტურისტული პოტენციალის პოპულარიზაციის.
ქალბატონმა ნინომ მზაობა გამოხატა ქართულ დიასპორასთან აქტიური თანამშრომლობის და რეგიონის ტურისტული პოპულარიზაციისთვის ერთობლივი ინიციატივების განხორციელების მხარდაჭერის.
პროექტის ხელმძღვანელმა ნანა თევდორაძემ მერს ემიგრანტების სახელით მადლობა გადაუხადა რუსთაველი ემიგრანტების მიმართ გამოჩენილი ყურადღებისა და მათი სურვილის მხარდაჭერისთვის ონლაინ შეხვედროდნენ საკუთარი ქალაქის მერს და ესაუბრათ მათთვის საინტერესო საკითხებზე.
შეხვედრას საბერძნეთის რესპუბლიკაში საქართველოს საგანგებო და სრულუფლებიანი დესპანი დავით ჯალაღონია ესწრებოდა“, - აღნიშნულია გავრცელებულ ინფორმაციაში.
იმედი
წყარო: imedinews.ge