პროკურორი ლაზარე ჯორბენაძის საქმესთან დაკავშირებით „ასავალ-დასავალის“ ჟურნალისტის, დიტო ჩუბინიძის გამოკითხვის შემდეგ: ის არანაირ ინფორმაციას არ ფლობს თვითმკვლელობასთან დაკავშირებით. მათი ურთიერთობა კორესპონდენტის და რესპონდენტის ურთიერთობას არ გაცდენია. როგორც მოწმემ განაცხადა, თუ კი ლაზარე ჯორბენაძისთვის მუქარის შემცველი შეტყობინების გაგზავნის ფაქტს ექნებოდა ადგილი, ასეთი ინფორმაცია ექნებოდა

ის არანაირ ინფორმაციას არ ფლობს თვითმკვლელობასთან დაკავშირებით. მათი ურთიერთობა კორესპონდენტის და რესპონდენტის ურთიერთობას არ გასცდენია. როგორც მოწმემ განაცხადა, თუ კი ლაზარე ჯორბენაძისთვის მუქარის შემცველი შეტყობინების გაგზავნის ფაქტს ექნებოდა ადგილი, ასეთი ინფორმაცია ექნებოდა, - განაცხადა პროკურორმა მედეა ცირამუამ, ლაზარე ჯორბენაძის საქმესთან დაკავშირებით „ასავალ-დასავალის“ ჟურნალისტის, დიტო ჩუბინიძის გამოკითხვის დასრულების შემდეგ.

მისი თქმით, დიტიო ჩუბინიძემ გამოკითხვისას განაცხადა, რომ არანაირ ინფორმაციას იმის შესახებ, რომ ადგილი ჰქონდა რაიმე საეჭვო გარემოებას, არ ფლობს.

„ის არანაირ ინფორმაციას არ ფლობს თვითმკვლელობასთან დაკავშირებით. მას რაიმე ეჭვის, საეჭვო გარემოების შესახებ შემთხვევის ადგილზე , არ გააჩნია არანაირი ინფორმაცია. ასეთი მოწმეების შესახებაც არ გააჩნია ინფორმაცია, რომლებიც შესაძლოა რაიმე საეჭვო გარემოებების შესახებ ინფორმაციას ფლობდნენ. მათი ურთიერთობა კორესპონდენტის და რესპონდენტის ურთიერთობას არ გაცდენია, როგორც მოწმემ განაცხადა და მათ შორის მოწმემ დაადასტურა ის, რომ თუ კი ლაზარე ჯორბენაძისთვის მუქარის შემცველი შეტყობინების გაგზავნის ფაქტს ექნებოდა ადგილი, ასეთი ინფორმაცია ექნებოდა. თუმცა ასეთი ფაქტი მანვე გამორიცხა და ასევე დაადასტურა, რომ მისთვის ან სხვა პირებისთვის დახმარების თხოვნით, ლაზარე ჯორბენაძეს არ მიუმართავს შემთხვევამდე უახლოეს პერიოდში. ფაქტობრივად, მის მიერ გაკეთებული განცხადებები მხოლოდ და მხოლოდ მის ვარაუდს და შეფასებებს ეყრდნობა, რომელიც ცხადია, არის სუბიექტური და არ ეყრდნობა სისხლის სამართლის საქმის მასალებს“- განაცხადა მედეა ცირამუამ.

თბილისის საქალაქო სასამართლოში, გაზეთ „ასავალ-დასავალის“ ჟურნალისტი, დიტო ჩუბინიძე გამოიკითხა. მან ლაზარე ჯორბენაძის საქმესთან დაკავშირებით გამოძიების კითხვებს მოსამართლის, თანდასწრებით უპასუხა. ჩუბინიძე ლაზარე ჯორბენაძესთან სატელეფონო საუბრის მთავარი ფიგურანტია, სადაც საქმე დავით გარეჯის გასხვისებას ეხებოდა.