ქართული ხალხური სიმღერის სახელმწიფო ანსამბლი ბასიანი 13 - 21 ივნისს იტალიაში საკონცერტო ტურნეს გამართავს
ქართული ხალხური სიმღერის სახელმწიფო ანსამბლი ბასიანი 13 - 21 ივნისს იტალიაში საკონცერტო ტურნეს გამართავს. ქართული მრავალხმიანობა და ტრადიციული გალობა იტალიის პრესტიჟულ მუსიკალურ ფესტივალებზე აჟღერდება. ინფორმაციას ფოლკლორის სახელმწიფო ცენტრი ავრცელებს.
13 ივნისს ბასიანი საერთაშორისო ფოლკლორული მუსიკის ფესტივალს DISCANTO- ს გახსნის, კონცერტი ქალაქ ტრენტოში, მე-12 საუკუნუნის მონასტერში Badia di San Lorenzo- ში, გაიმართება.
14 ივნისს, ქალაქ პრატოში, Duomo Di prato, di Santo Stefano- ს ტაძარში კი, ბასიანისა და ქართული სიმღერისა და გალობის ანსამბლ ,,ივერიონის ’’ ერთობლივი კონცერტი გაიმართება.
იტალიური ტურნე, უმბრიას ისტორიული დედაქალაქ პერუჯაში 18 ივნისის კონცერტით გაგრძელდება.
კონცერტი იტალიის ერთ-ერთი ყველაზე პრესტიჟულ და ხანგრძლივი ისტორიის მქონე მუსიკალური ფესტივალის ფარგლებში - ,,out- of- season’’ Amici della Musica di Peruga, basilica di S. Pietro- ს ტაძარში გაიმართება.
ბასიანი 20 ივნისს, ვენეტოს რეგიონის ერთ-ერთ ყველაზე პრესტიჟულ მუსიკალურ ფესტივალზე - Internationale di Musica Portogruaro- ს წარდგება, კონცერტს ზღვისპირა ქალაქ კაორლეს, ისტორიული მე-11 საუკუნის duomo di santo Stefano- ს ტაძარი უმასპინძლებს.
ბასიანის იტალიური ტურნე 21 ივნისს, გორიცას პროვინციაში დასრულდება. ანსამბლი მონაწილეობას მიიღებს Piccolo Opera festival- ში რომელიც წელს მე-19 ჩატარდება. კონცერტი presso il Duomo di Cormons- საკათედრო ტაძარში გაიმართება. მხარდამჭერი - საქართველოს კულტურის სამინისტრო.
