„ქართული ოცნების“ გორგასლის ოფისში საპარლამენტო უმრავლესობის სხდომა გაიმართა

„ქართული ოცნების“ გორგასლის ოფისში საპარლამენტო უმრავლესობის სხდომა გაიმართა.

პარლამენტის საგაზაფხულო სესია საქართველოს პრემიერ-მინისტრის ანგარიშით დაიხურება: პარასკევს, 26 ივნისს, პარლამენტის წინაშე ანგარიშით პრემიერ-მინისტრი ირაკლი კობახიძე წარდგება.

მიმდინარე კვირაში პარლამენტი ასევე მოისმენს სახალხო დამცველის, გენერალური პროკურორის და გენერალური აუდიტორის ანგარიშებს.

უმრავლესობის წევრებმა მიმდინარე კვირის დღის წესრიგზე და განსახილველ კანონპროექტებზეც იმსჯელეს.

უმრავლესობის გადაწყვეტილებით, რამდენიმე კანონპროექტის დაჩქარებული წესით მიღება იგეგმება. ერთ-ერთი მათგანი ადმინისტრაციულ სამართალდარღვევათა კოდექსში ცვლილებებს ეხება, რომელიც მოძრაობის დადგენილი სიჩქარის გადაჭარბებისთვის განსაზღვრული ჯარიმების შემცირებას შეეხება. აღინიშნა, რომ როგორც კი კანონპროექტს სამივე მოსმენით მიიღებენ, აღნიშნული ცვლილება მიმდინარე კვირაშივე შევა ძალაში.

უმრავლესობის წევრებმა განვლილი საგაზაფხულო სესიის მუშაობა შეაჯამეს.