„ქრონიკის“ ექსკლუზიური ინფორმაციით, ნიკა გვარამია და ზურაბ ჯაფარიძე ნორვეგიის ელჩს ფარულად შეხვდნენ

„ქრონიკის“ ექსკლუზიური ინფორმაციით, ნიკა გვარამია და ზურაბ ჯაფარიძე ნორვეგიის ელჩს ფარულად შეხვდნენ. როგორც ირკვევა, ინიციატორი თავად დიპლომატი იყო.

ნიკა გვარამიამ „ქრონიკასთან“ დაადასტურა, რომ შეხვედრა ნორვეგიის ელჩის ინიციატივით გაიმართა.

„ახალი ელჩია და ხვდება სხვადასხვა პოლიტიკურ პარტიას, ოპოზიციურ პარტიებს. პირველი შეხვედრა იყო ჩვენთან. გავცვალეთ მოსაზრებები იმასთან დაკავშირებით, რა ხდება ქვეყანაში და როგორია ჩვენი აზრით, ჩვენი ევროპული პერსპექტივა. იმის პოზიცია როგორი იყო და მე რა ვუთხარი, ხომ არ მოგიყვებით?! დახურული შეხვედრაა“, - განაცხადა ნიკა გვარამიამ.

შეხვედრის დასრულების შემდეგ ზურაბ ჯაფარიძემ, ტრადიციულად, უარი განაცხადა კომენტარზე და ღია ეთერი მოითხოვა.