რადიკალებთან და IPP-ის წევრებთან დაახლოებული ელენე მეტრეველი ვიდეო-მიმართვას ავრცელებს და ამბობს, რომ პირადად მონაწილეობდა იმ სამუშაოებში, რომლის შედეგად ევროპარლამენტმა „იმედს“ ევროპარლამენტში მუშაობის უფლება შეუზღუდა

რადიკალურ ოპოზიციასთან და ზოგიერთ ევროპარლამენტართან დაახლოებული ელენე მეტრეველი ვიდეო-მიმართვას ავრცელებს, სადაც ის ამბობს, რომ პირადად მონაწილეობდა იმ სამუშაოებში, რომლის შედეგადაც ევროპარლამენტმა ტელეკომპანია „იმედს“ევროპარლამენტში პროფესიული მოვალეობის შესრულების უფლება ერთი წლით შეეზღუდა.

როგორ ელენე მეტრეველი აცხადებს, ის გააგრძელებს ბრძოლას იმისთვის, რომ დასრულდეს იმ ტელევიზიების ფუნქციონირება, რომელიც მის გემოვნებაში არ ჯდება.

„ეს არის ჩემი ძალიან საჯარო პოზიცია, ეს არის ჩემი ყოველდღიურობა და მჯერა, რომ საქართველოში პროპაგანდისტული მედიების საქმიანობა უნდა დასრულდეს. ამაზე ყოველდღიურად გავაგრძელებთ მუშაობას. ბრძოლას ყოველთვის აქვს აზრი“, - აცხადებს ვიდეო-მიმართვაში ელენე მეტრეველი.

მის გარდა, კონკრეტული ევროპარლამენტარებიც აღიარებენ, რომ ტელეკომპანია „იმედის“ წინააღმდეგ თვეებია მუშაობენ. მათ შორის არის კრიშტოფერ ბრეიზა, რომელსაც სწორედ ელენე მეტრეველი ეხმარებოდა. მეტრეველი „ნაციონალური მოძრაობის“ მოკავშირე IPP-ის აღმოსავლეთ პოლიტიკის კოორდინატორია.

მას არა მხოლოდ IPP-ისთან და ევროპარლამენტარებთან აქვს ახლო ურთიერთობა, არამედ, მათ შორის ის ახლო ურთიერთობაში იმყოფება რადიკალურ ოპოზიციასთან.

ოპოზიციასთან და საქართველოს მიმართ კრიტიკულად განწყობილ ევროპარლამენტარებთან კავშირს ელენე მეტრეველი საკუთარ სოციალურ ქსელში გამოქვეყნებული ფოტოებით ადასტურებს.