რაფაელ გლუკსმანი: დიახ, მე საპრეზიდენტო არჩევნების კანდიდატი ვარ
იმედი|imedinews.ge
ევროპარლამენტარი რაფაელ გლუკსმანი საფრანგეთის პრეზიდენტობისთვის იბრძოლებს.
„დიახ, მე საპრეზიდენტო არჩევნების კანდიდატი ვარ. ნუთუ ჩვენს ქვეყანას უკიდურეს მემარჯვენეებს ჩავაბარებთ? ასეთი არჩევანის წინაშე მდგარს, გვერდზე დგომა არ შემეძლო“, - განუცხადა მან ფრანგულ ტელეარხ TF1-ს.
2024 წლის ევროპარლამენტის არჩევნებზე გლუკსმანი მემარცხენე ალიანსს ედგა სათავეში და ხმების 14% მოიპოვა, ახლა კი საზოგადოებრივი აზრის გამოკითხვებში ჟან-ლუკ მელანშონს ჩამორჩება. Reuters-ი წერს, რომ საკვანძო კითხვა ის არის, შეძლებს თუ არა ის ზომიერი მემარცხენე ძალების გაერთიანებას.
„მემარცხენეებს შეუძლიათ საპრეზიდენტო არჩევნებში გამარჯვება, თუ თავის პრინციპებზე მტკიცედ იდგებიან. მელანშონის აღარ უნდა გვეშინოდეს“, - განაცხადა გლუკსმანმა.
გაზიარება:
იმედი
წყარო: imedinews.ge