Rheinmetall-ის გენერალური დირექტორი: გერმანიის სარაკეტო მარაგები შემაშფოთებლად დაბალ დონეზე რჩება

Euronews-თან ინტერვიუში Rheinmetall-ის გენერალური დირექტორი, არმინ პაპერგერი აცხადებს, რომ გერმანიის სარაკეტო მარაგები შემაშფოთებლად დაბალ დონეზე რჩება და წარმოება მკვეთრად უნდა დაჩქარდეს, ამასთანავე, იგი დეტალურად განმარტავს კომპანიის გეგმებს ფრთოსან რაკეტებთან, ჰუმანოიდ რობოტებსა და კოსმოსურ ტექნოლოგიებთან დაკავშირებით.

გერმანიას თავისი თავდაცვისუნარიანობის მნიშვნელოვნად გაძლიერება სურს. თუმცა ეს უკვე აღარ ეხება მხოლოდ მეტ საბრძოლო მასალასა და რაკეტებს. საჰაერო თავდაცვა, დრონები და ახალი ტექნოლოგიები, როგორებიცაა ჰუმანოიდი რობოტები და კოსმოსური სისტემები, სულ უფრო მნიშვნელოვან როლს ასრულებს.

კითხვაზე - მარტში თქვენ განაცხადეთ, რომ რაკეტების მარაგები შემაშფოთებლად დაბალ დონეზე იყო. როგორია სიტუაცია ახლა? - პაპერგერმა უპასუხა:

ვფიქრობ, სიტუაცია კვლავ იგივეა. რაკეტების წარმოება ასე სწრაფად უბრალოდ შეუძლებელია და სწორედ ამიტომ ვიწყებთ Rheinmetall-ში მსხვილ საინვესტიციო პროგრამას - და არა მხოლოდ ჩვენ, არამედ მრავალი სხვა მწარმოებელიც.

„გარდა ამისა, სერიოზული შეფერხებებია როგორც სარაკეტო ძრავების, ისე საბრძოლო ქობინების მიწოდებაში. ჩვენ ბევრად უფრო სწრაფები უნდა გავხდეთ, რათა გერმანია, ასევე ევროპა და ნატო, დავუბრუნოთ სამიზნე მაჩვენებლებს, რომლებიც საკმარისი იქნება საფრთხის შემთხვევაში“, - დასძინა მან.