რუბიომ უკრაინასა და რუსეთს შორის უახლოეს მომავალში მოლაპარაკებების განახლება დააანონსა
აშშ-ის სახელმწიფო მდივანმა მარკო რუბიომ განაცხადა, რომ უახლოეს რამდენიმე კვირაში საზოგადოება იხილავს გარკვეულ ძალისხმევას რუსეთ-უკრაინის მოლაპარაკებების განახლების თვალსაზრისით.
„მომდევნო რამდენიმე კვირის განმავლობაში თქვენ ნახავთ გარკვეულ ძალისხმევას, რათა შევაფასოთ, შევძლებთ თუ არა რუსეთსა და უკრაინას შორის მოლაპარაკებების განახლებას და ამ ომის დასრულებას. ჩვენ ასევე გვესმის, რომ ორივე მხარეს აქვს საკმაოდ მკაფიო და მკაცრი წითელი ხაზები, და სანამ ამ წითელ ხაზებს ერთმანეთთან გარკვეულწილად არ დავაახლოებთ, შეთანხმების მიღწევის ეტაპზე ჯერ არ ვიქნებით“, - განაცხადა რუბიომ Fox News-თან ინტერვიუში.
როგორც აშშ-ის პირველმა დიპლომატმა აღნიშნა, პრეზიდენტმა დონალდ ტრამპმა თავის ადმინისტრაციას მითითება მისცა, თუ ისინი დაინახავენ, რომ რუსეთსა და უკრაინას შორის შეთანხმების მიღწევის საშუალება გაჩნდება, იმოქმედონ.
იმედი
წყარო: imedinews.ge