რუმინეთის მართლმადიდებელი ეკლესიის პატრიარქმა მისალოცი წერილი გაუგზავნა უწმინდეს შიო III-ს

უნეტარესმა დანიელმა, რუმინეთის მართლმადიდებელი ეკლესიის პატრიარქმა, მისალოცი წერილი გაუგზავნა უნეტარეს შიო III-ს, საქართველოს ახალ პატრიარქს.

„ჩვენი უფლის, იესო ქრისტეს მიერ ბოძებული დიდი სიხარულით, გვსურს მოგილოცოთ მცხეთა-თბილისის მთავარეპისკოპოსად, ბიჭვინთისა და ცხუმ-აფხაზეთის მიტროპოლიტად და სრულიად საქართველოს კათოლიკოს-პატრიარქად არჩევა. ამავდროულად, ვევედრებით ჩვენს უფალს, იესო ქრისტეს, მოგმადლოთ მრავალი სულიერი წარმატება თქვენზე მინდობილ ახალ მისიაში.

წმინდა სინოდის წევრების, სამღვდელოებისა და რუმინეთის მართლმადიდებელი ეკლესიის მრევლის სახელით, ვუსურვებთ თქვენს უნეტარესობას მრავალ დალოცვილ წელს საქართველოს მართლმადიდებელი ხალხის სამსახურში და ღვთის შეწევნას მთელ თქვენს სამწყსო და მისიონერულ მოღვაწეობაში.

მრავალჟამიერ და კურთხეულ იყოს თქვენი მოღვაწეობა!“ - ნათქვამია წერილში.