რუმინეთმა შავ ზღვაში ხუთი საზღვაო დრონი გაანადგურა
იმედი|imedinews.ge
რუმინეთის თავდაცვის მინისტრის მოვალეობის შემსრულებლის რადუ მირუცეს განცხადებით, ბოლო პერიოდში ქვეყნის შეიარაღებულმა ძალებმა შავ ზღვაში ხუთი საზღვაო დრონი აღმოაჩინა და გაანადგურა. ინფორმაციას რუმინული მედია ავრცელებს.
რუმინეთის თავდაცვის უწყების ხელმძღვანელის განცხადებით, ზოგი დრონი ასაფეთქებელ მოწყობილობას შეიცავდა, ზოგი - არა.
„ზღვაში აღმოჩენილია დრონების ნაწილები, რომელიც განადგურდა. ზოგზე ასაფეთქებელი მოწყობილობა იყო დამონტაჟებული, ხოლო ზოგზე - არა“, - ციტირებს მედია რუმინეთის თავდაცვის მინისტრის მოვალეობის შემსრულებელს.
მისი განცხადებით, ოთხი დრონის განადგურება კონსტანცას პორტში 5 ივნისს უპილოტო საფრენ აპარატთან დაკავშირებულ ინციდენტამდე მოხდა, ხოლო ერთის - ინციდენტის შემდეგ.
გაზიარება:
იმედი
წყარო: imedinews.ge