რუსეთში, დუმის არჩევნებზე მმართველი პარტია ლიდერობს

რუსეთში საპარლამენტო არჩევნების შედეგებს ითვლიან, სადაც დუმის დეპუტატები აირჩიეს. ქვეყნის ცენტრალური საარჩევნო კომისიის წინასწარი მონაცემებით, მმართველ პარტია „ერთიან რუსეთს“ ხმათა 57,82%-ს აქვს. მეორე ადგილს „კომუნისტური პარტია“ იკავებს ხმების 13,48%-ით, მესამე პოზიციაზე კი 8,77%-ით ლიბერალ-დემოკრატიული პარტიაა.

რუსეთის ცენტრალურმა საარჩევნო კომისიის განცხადებით, ამომრჩეველთა აქტივობამ არჩევნებზე 56% შეადგინა.

წინასწარი შედეგების თანახმად, „ერთიანი რუსეთი“ სახელმწიფო დუმას კონსტიტუციურ უმრავლესობაზე აცხადებს პრეტენზიას. მის მისაღებად პარტიამ 301 ადგილი უნდა მოიპოვოს.