საბერძნეთში, ესპანეთსა და საფრანგეთში ტყის ხანძრებთან ბრძოლა გრძელდება
იმედი|imedinews.ge
საბერძნეთში, ესპანეთსა და საფრანგეთში ტყის ხანძრებთან ბრძოლა გრძელდება. საბერძნეთში ტყის ხანძრების ლიკვიდაციის ოპერაცია და მოსახლეობის ევაკუაცია მიმდინარეობს. ძლიერი ქარის შედეგად ხანძარმა ათენის მიმდებარე ტერიტორია მოიცვა. ხელისუფლებამ ქვეყნის რამდენიმე რეგიონში საგანგებო მდგომარეობა გამოაცხადა.
ვითარება კვლავ გაუარესდა ესპანეთისა და საფრანგეთის ზოგიერთ ნაწილში. საფრანგეთის ვარის დეპარტამენტში ცეცხლი 1000 ჰექტარზე მეტ ფართობზე მძვინვარებს, რის გამოც 2 500 ადამიანის ევაკუაცია გახდა საჭირო. შედარებით სტაბილურია ესპანეთის დედაქალაქის გარშემო არსებული ვითარება, თუმცა მეხანძრეები ლეონის პროვინციაში ხანძრის ახალ კერას ებრძვიან.
გაზიარება:
იმედი
წყარო: imedinews.ge