საბურთალოს რაიონის გამგეობამ ოთარ ონიაშვილის ქუჩის რეაბილიტაციის სამუშაოები დაასრულა

საბურთალოს რაიონის გამგეობამ ოთარ ონიაშვილის ქუჩის რეაბილიტაციის სამუშაოები დაასრულა.

საბურთალოს რაიონის გამგეობის ინფორმაციით, ინფრასტრუქტურული პროექტის ფარგლებში, 9 000 კვ.მ. ფართობზე დაიგო ასფალტის ორფენიანი საფარი, ასევე, მოეწყო ბორდიურები. საგზაო სამუშაოების მიმდინარეობისას გამოიცვალა გაზის მილიც. ქუჩაზე სხვლა-ფორმირება ჩაუტარდა ხეებს. პროექტის დასრულების შემდეგ, ონიაშვილის ქუჩაზე საგზაო მოძრაობა სრულად აღდგება, რაც აქამდე, პროექტის მიმდინარეობის გამო, შეზღუდული იყო.

სამუშაოებმა, დაახლოებით, 650 000 ლარი შეადგინა.

დასრულებულ ინფრასტრუქტურულ პროექტს საბურთალოს რაიონის გამგებელი გიზო ვასაძე და საკრებულოს მაჟორიტარი დეპუტატი ბექა მიქაუტაძე გაეცნენ.