სამეგრელო-ზემო სვანეთის სახელმწიფო რწმუნებულმა დავით ვერავამ, აბაშის მერთან გიგა გაბელიასთან ერთად ფაშიზმზე გამარჯვების დღე, მეორე მსოფლიო ომის მონაწილე დავით კაჭარავას მიულოცა

სამეგრელო-ზემო სვანეთის სახელმწიფო რწმუნებულმა დავით ვერავამ, აბაშის მერთან გიგა გაბელიასთან ერთად ფაშიზმზე გამარჯვების დღე, მეორე მსოფლიო ომის მონაწილე დავით კაჭარავას მიულოცა.

„დავით კაჭარავა მეორე მსოფლიო ომში შორეულ აღმოსავლეთში იბრძოდა. მან დღეს გაიხსენა ომის პერიოდი, უმძიმესი დღეები, მინდა ვუსურვო ჯანმრთელობა და დიდხანს მხნედ ყოფნა. აქვე ვულოცავ თითოეულ ვეტერანს მეორე მსოფლიო ომში გამარჯვების დღეს. ამ ომში საქართველოდან 700 000 ადამიანი მონაწილეობდა და ჩვენი ქვეყნის როლი ძალიან მნიშვნელოვანი იყო“ - განაცხადა სამეგრელო-ზემო სვანეთი სახელმწიფო რწმუნებულმა.

დავით კაჭარავა 104 წლისაა. მას სამი შვილი, 8 შვილიშვილი და 6 შვილთაშვილი ჰყავს.

მეორე მსოფლიო ომის ვეტერანმა ცენტრალური ხელისუფლებისგან 2000, ხოლო ადგილობრივი ხელისუფლებისგან 1500 ლარი მიიღო.