საფრანგეთი მსოფლიო ჩემპიონატის 1/8 ფინალშია

საფრანგეთის ეროვნულმა საფეხბურთო ნაკრებმა 1/16 ფინალში შვედეთის გუნდს დიდი ანგარიშით 3:0 სძლია და 1/8 ფინალში გადავიდა.

შეხვედრა აშშ-ში, ნიუ ჯერსის სტადიონზე გაიმართა და საფრანგეთის უპირატესობით წარიმართა. ფრანგებმა შვედების კართან ბევრი სახიფათო მომენტი შექმნეს. მატჩის დასაწყისშივე ფრანგების 10-მა ნომერმა კილიან მბაპემ გოლი გაიტანა, თუმცა გვერდითმა მსაჯმა თამაშგარე მდგომარეობა დააფიქსირა და ბურთი არ ჩაითვალა.

45-ე წუთზე მბაპემ კიდევ ერთხელ აიღო შვედების კარი. ამ შემთხვევაში გოლი ჩაითვალა და ტაბლოზე ანგარიში 1:0 საფრანგეთის სასარგებლოდ დაფიქსირდა. შეხვედრის 53-ე წუთზე ბრედლი ბარკოლამ სხვაობა ორ ბურთამდე გაზარდა. მატჩის 74-ე წუთზე თავი კვლავ მბაპემ გამოიჩინა და საბოლოო ანგარიში 3:0 დააფიქსირა.

საფრანგეთის მეტოქე 1/8 ფინალში პარაგვაის ეროვნული გუნდი იქნება.